ഉണ്ണിക്കുട്ടനു അച്ചന്റെ പഴയ ഒരു ഓഫര്‍ ഉണ്ടായിരുന്നു! , പരീക്ഷ കഴിഞ്ഞാല്‍ എറണാകുളം ചുറ്റി കാണിക്കാന്‍ കൊണ്ടു പോകാമെന്ന്.
അങ്ങനെ പരീക്ഷ കഴിഞ്ഞു! .
അന്നു തുടങ്ങി, ഉണ്ണിക്കുട്ടന്‍:- “അച്ചാ................ അച്ചാ .....................“
അങ്ങനെ ആ ദിവസം വന്നെത്തി!.
രാവിലെ തന്നെ കുളിച്ചൊരുങ്ങി ,
പുതിയ ഷര്‍ട്ടിട്ട്,
പുതിയ പാന്റിട്ട്,
പുതിയ ചെരുപ്പിട്ട്,
മുടി ചീകി,
പൌഡറിട്ട്,
സുന്ദരനായി,
ഉല്‍സവത്തിനു വാങ്ങിയ, കൂളിങ്ങ് ഗ്ലാസ്
വച്ചപ്പോള്‍ മാത്രം അമ്മ എടപെട്ടു.
കൂളിങ്ങ് ഗ്ലാസ് വാങ്ങി അമ്മ വലിച്ചെറിഞ്ഞു,
കൂടെ ഒരു കമന്റും :“ നാണമില്ലാത്ത ഈ ചെക്കന്‍”
ഒന്നു കരഞ്ഞാലോ എന്നാലോചിച്ചു ഉണ്ണിക്കുട്ടന്‍
അച്ചന്റെ മുഖത്തു നോക്കിയപ്പോള്‍ വെണ്ടെന്നു വച്ചു.
അങ്ങനെ എറണാകുളം പട്ടണത്തിലെത്തി ഉണ്ണിക്കുട്ടന്‍!
ഹൊവ്!!!!, എത്രയാ ബസ്സുകള്‍!!!!!!
എത്രയാ കാറുകള്‍!!!!!
(ചില കാറുകള്‍ അവന്‍ മനസ്സില്‍ കുറിച്ചു വച്ചു, നാട്ടില്‍ ചെന്നിട്ടു വേണം ഓടിക്കാന്‍, ബ്ര് ര്‍ ര്‍ ര്‍ ര്‍ ര്‍ ര്‍ ര്‍ ര്‍ ര്‍ ര്‍ പിം പിം പിം )
എത്രയാ വലിയ വലിയ കെട്ടിടങ്ങള്‍!
കാഴ്ച കണ്ടു കണ്ടു ഉണ്ണിക്കുട്ടന്റെ കണ്ണു നിറഞ്ഞു!!
ഇനി കണ്ണിലേക്കൊന്നും കേറില്ല എന്നായി.
അപ്പൊ, അച്ചന്‍ ഉണ്ണിക്കുട്ടനു ഐസ് ക്രീം വാങ്ങിക്കൊടുത്തു
അതും എന്ത് ഐസ് ക്രീം ഹാഹ ഹ!!!!!
നാട്ടില്‍ അവന്‍ കണ്ടിട്ടില്ല! തിന്നിട്ടില്ല!
ഒഊ!!!!!!!!!
അങ്ങനെ അവന്‍ തിരിച്ചെത്തി ,വീട്ടില്‍.
അമ്മ ചോദിച്ചു, “ മോനെ നീ എന്തൊക്കെ കണ്ടൂ പട്ടണത്തില്‍”
അവന്‍ അതുവരെ ഒളിച്ചു വച്ചിരുന്ന ഒരു കാര്യം അമ്മയോടു പറഞ്ഞു
“അമ്മെ, ബസ്സില്‍ വച്ച് ഒരാള്‍ കൈ നീട്ടി പൈസ പൈസാ എന്നും പറഞ്ഞു വന്നമ്മെ, എല്ലാവരുടെ അടുത്തും!“
“എന്നിട്ടോ?“
“എന്നിട്ടെന്താ,അച്ചന്‍ അയാള്‍ക്കു പൈസ കൊടുത്തു“
“എന്നിട്ട്“
“പിന്നെ അയാള്‍ ആള്‍ക്കാരെ അങ്ങോടും ഇങ്ങോടും ഒക്കെ തള്ളുകേം ചെയ്തു“
“ഏ! എന്നിട്ട്?”
“അയാളേ കടലാസൊക്കെ പിച്ചിക്കീറി ആള്‍ക്കാര്‍ക്കൊക്കെ കൊടുത്തു“
“ദൈവമെ!! ആ ഭ്രാന്തന്‍ എന്റെ മോനെ വല്ലതും ചെയ്തൊ കുട്ടാ?,
മോന്‍ പേടിച്ചു പോയോ?”
“ഇല്ലമ്മെ! അയാള്‍ കണ്ടക്ടര്‍ അല്ലെ അമ്മെ, നമ്മളെന്തിനാ പേടിക്കുന്നത്“
“അയ്യോ!! അമ്മെ, അമ്മ അപ്പോഴേക്കും എവിടെക്കാ പോയേ?“
“ഈ അമ്മയുടെ ഒരു കാര്യം.“
ഉണ്ണിക്കുട്ടന്‍ കൊള്ളാമല്ലോ
മറുപടിഇല്ലാതാക്കൂനന്ദി, ഉണ്ണിക്കുട്ടനെ ഗൌനിച്ചതിനു നന്ദി.
മറുപടിഇല്ലാതാക്കൂ