പാവം ഉണ്ണിക്കുട്ടന്‍!
അവന്‍ എന്തൊ കാര്യത്തിനു അമ്മയുമായി വഴക്കിട്ട് ഇരിക്കുകയായിരുന്നു.
വഴക്ക് തീര്‍ക്കാനാണെങ്കില്‍ വീട്ടില്‍ അച്ചനുമില്ല
എന്തു ചെയ്യും?
അമ്മയാണെങ്കില്‍ അടുക്കളയില്‍ അലുവ ഉണ്ടാക്കുന്ന തിരക്കും
ഉണ്ണിക്കാണെങ്കില്‍ അലുവ എന്നു വച്ചാല്‍ ജീവനും!
ഇപ്പൊ എല്ലാവര്‍ക്കും പ്രശ്നത്തിന്റെ ഗൌരവം മനസ്സിലായില്ലെ?
അപ്പോഴാണ് അമ്മ അടുക്കളയില്‍ നിന്നും ഒരു പ്ലേറ്റില്‍ മുറിച്ച ഒരു കഷ്ണം അലുവയുമായി വന്നത്.
അതു കണ്ടപ്പോഴേ വായില്‍ ഉണ്ണിക്ക് കപ്പലോടിക്കാനുള്ള വെള്ളവുമായി.
എന്തു ചെയ്യും? വഴക്കു രാജിയായാലോ?
ഉണ്ണി ആലോചിച്ചു
എന്തായാലും അമ്മയല്ലെ?
കയ്യിലുള്ളത് അലുവയല്ലെ?
അപ്പോഴാണു അമ്മയുടെ സ്നേഹപൂര്‍വമുള്ള വിളി
“മോനേ, ഉണ്ണിക്കുട്ടാ“
“മോന് അലുവ വേണോടാ കുട്ടാ“
“ഇന്നാ, ഒരു കഷ്ണം തിന്നട കുട്ട“
അമ്മ സ്നേഹപൂര്‍വം അലുവ ഉണ്ണിക്കുട്ടന്റെ വായിലേക്കു നീട്ടി!
ഉണ്ണിക്കുട്ടന്‍ നിര്‍വ്രിതിയോടെ കണ്ണുകള്‍ പാതിയടച്ച്
വായ തുറന്നു അമ്മയുടെ നേരെ നീട്ടി!.
ക്ടും!
വായടയുന്ന ഒച്ച കേള്‍ക്കുകയും ചെയ്തു, അലുവ വായില്‍ വന്നതുമില്ല.
ഉണ്ണിക്കുട്ടന്‍ സംശയത്തോടെ കണ്ണു തുറന്നു നോക്കിയപ്പോള്‍!!!!!!!!!!!!
ചതി!! കൊടും ചതി!!!!!!!!!!!!!!!!!!
അമ്മ ചിരിച്ചുകൊണ്ട് അലുവ തിന്നുന്നു.
ദേഷ്യം കൊണ്ടു തുടുത്ത ഉണ്ണിക്കുട്ടനില്‍ നിന്നും ഒരൊറ്റ വാക്കേ
പുറത്തു വന്നുള്ളൂ!!
“ഹെ, ഇതു ----------- നെ കോണ്‍ഗ്രസ്സില്‍ ചേര്‍ക്കാം എന്നു പറഞ്ഞപോലായല്ലോ!!!!!!!!!!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ